Gireklamo sa usa ka manufacturing company ngadto sa NBI cybercrime division ang FB page sa Agta sa Talisay human sa pagpakatag niini ug fake news. Matud pa sa usa ka post sa Agta sa Talisay, dili kuno FDA Approved ang gipanghatag nga kape ni Congressman Pinpin Uy.
Gitubag sa kumpanya ang maong pasangil ug nagpakita ug dokumento nga nagpamatuod nga FDA Approved ang kape.
Tungod sa malisyoso ug pangpangdaot nga post, gipangita karon ang mga administrators sa nasangpit nga page.
Nasayran nga adunay duha na nga nasubay ang NBI mahitungod sa post. Kauban sa maong taho, kuno nasubay ang kalambigitan sa usa ka kanhing kapitan nga nailang supporter sa mga Jalosjos nga kaatbang sa pulitika sa mga Uy.